U3F1ZWV6ZTE5NjMyMjAyOTQyNDUxX0ZyZWUxMjM4NTY5MTIyOTQ2NQ==

الزتونة في الزتونة



ايه هو موقع الزتونة وايه محتواه والهدف منه ومين القائمين عليه؟

موقع الزتونة هو موقع عربي ممتنوع المجالات زيه زي أي موقع تاني لكن الزتونة ليه هدف وفكرة وشعار وواحده واحدة هقولك علي الزتونة في الزتونة، وسؤال سؤا ل هجاوبك يا معلم.

ايه الزتونة دا؟

الزتونة موقع عربي متخصص في 4 مجالات مهمة وهي مجالات الموضوعات العامة والصحة والرياضة والتقنية، يعني أيًا كان الحاجة اللي بتدور عليها فكن علي يقين إنك هتلاقيها في الزتونة، ودا لإن الزتونة زي ما قولتلك فوق ليه هدف معين وهو إنه يصعد بالمحتوي العربي لمكان أحسن ويسهل علي الباحث العربي انه يلاقي الحاجة اللي بيدور عليها.

عندك مثلا القسم الخاص بالمجالات التقنية، هتلاقي فيه كل حاجه خاصة بالكمبيوتر والموبايل ومواقع التواصل وحل مشكلات وطرق وأفكار جديدة هتسهل عليك الدنيا علي الآخر، أما في مجال الصحة فإحنا مش تخصصنا إننا نقولك علي وصفات أي كلام وحاجات مضروبة زي الناس ما بتعمل لإن دا مش هدفنا، لكن هنقولك معلومات عن الأمراض وطريقة إنتشارها وسبل الوقاية منها وهنقولك الفرق بين كذا وكذا وفوايد الأكلة دي ايه والعنصر دا بيعمل كذا...إلخ.
أما في مجال الرياضة فبص بقي يا معلم، احنا مش موقع اخباري ولا لينا دعوة بأي أخبار سواء كانت رياضية أو غير رياضية، احنا ممكن نقدملك معلومات عن اللعيبة أو الأندية أو المنتخبات والبطولات  والرياضات عمومًا، بس دا ميمنعش اننا ممكن ننزل أوقات المباريات واهم الأحداث وآخر النتايج، عشان بس متجيش تزعق لينا وتقول انتو ليه مش ناشرين نتيجة ماتش امبارح ان الأهلي فاز علي الزمالك، هقولك عشان أولا دا شئ طبيعي ومش جديد ثانيًا احنا مش شغالين تريند واخبار، احنا موقع تثقيفي مش اخباري، تمام يسطا؟

أما بقي القسم العسلية، أحسن وأهم قسم في الموقع وهو قسم المعلومات العامة، دا هتلاقي فيه معلومات عن كل حاجه في اي حاجه، يعني لو بتحب العلوم هتلاقي فيه مقالات علمية، لو بتحب الفضاء هتلاقي مقالات عن الفضاء، لو بتحب التاريخ هتلاقي فيه عن التاريخ، يعني من الآخر القسم دا هتلاقي فيه معلومات عن كل حاجه.

مين القائمين علي موقع الزتونة؟

بص فيه مثل العيال الأشباح بيقولوه وأنا بصراحه افتكرته دلوقتي ولازم أكتبه "احنا مش واحد عشان كلنا واحد" هو تقريبا الجزء التاني منه بينفي الجزء الأول وهو كله غلط أصلا بس علي كل حال الزتونة فكرة والفكرة لا تموت، ولو قولنا الزتونة كان فكرة مين هقولك في الأصل كان فكرة اللي كتبلك المقال اللي انت بتقرأه دلوقتي وهو Eslam Gamal أما الاسم الجميل دا كان من اختيار الأخ Alaa Alkholy (علاء مش ألاء) واللي حجز رابط الموقع (عنوان الموقع) كان البشمهندس Mustafa Fawzy أما الدكتور Osama Hamdy فغير انه مسئول عن القسم الخاص بالصحة في الموقع فهو كمان كان ليه دور كبير في انشاء الزتونة.
ليست هناك تعليقات
إرسال تعليق

إرسال تعليق

الاسمبريد إلكترونيرسالة